ಎಂಥಾ ಛಳಿಯಯ್ಯಾ ಇದು ಎಂಥಾ ಛಳಿ !

ಕೆನಡಾದಲ್ಲ್ಲಿರೊ ಈ ಛಳಿನ ವರ್ಣನಾ ಮಾಡೋದು ಹೇಗೆ? ಅದು ಬಿಜಾಪುರದ ಬಿಸಿಲುಸೀಮೆಯಿಂದಾ ಬಂದಿರೋ ನನ್ನಂತಹವನಿಗೆ ಆಗದಂತಾ ಮಾತು.

೪೮ ಡಿಗ್ರಿ ಬಿಸಿಲನಲ್ಲಿ ಹೊಗೆಯಾಡೊ ಚಹಾ ಸುರ್ ಅಂತ ಕುಡ್ಕೊತ ಅದರ ಜೊತೆ ಬೀಡಿನೋ ಸಿಗರೇಟೊ ಎಳದು ಅವತ್ತಿನ ಪೇಪರಲ್ಲಿ ಬಂದಿರೋ ’ಒಣಾ" ರಾಜಕೀಯದ ಬಗ್ಗೆ ಮಾತಡತಾ ಕೂತಿರೊರನ್ನಾ ನೋಡಿ ಗೊತ್ತಿರೋ ನನಗೆ, ಊರಲ್ಲಿದ್ದಾಗಾ ಇನ್ನೂ ಸೂರ್ಯ ಹುಟ್ಟೋಕೆ ಮೊದ್ಲೆ ಬಿಸಿಲಿನ ಝಳಕ್ಕೇ ಮುಖ ಕೊಡೊ ನನಗೆ, ಮೈನಸ್ ೧೮ ರಿಂದ ೨೫ ರ ಡಿಗ್ರಿ ಛಳಿಯಲ್ಲಿನ ವಾಸ, ಕಾಲಾಪಾನಿ ಇದ್ದಂಗ.

ಇಲ್ಲಿದ್ದಾಗ, ತೆಗೆದಿರೋ ಫೊಟೊ ತೋರಿಸಿ ಎಂಥಾ ಥಂಡಿ ಇತ್ತು ಅಂತ ಬೇರೆಯವರಿಗೆ ಹೇಳೋದು ಒಂದೇ .....ಹೂವಿನ ಫೊಟೊ ತೊರಿಸಿ ಅದರ ಪರಿಮಳದ ಬಗ್ಗೆ ವರ್ಣಾನಾ ಮಾಡುದು ಒಂದೇ.

ಅದಕ್ಕೇ ಫೊಟೊ ಮಾತ್ರ ಇಲ್ಲಿ ಇಟ್ಟಿದ್ದೇನೆ, ಛಳಿ ವರ್ಣಾನಾ ಮಾಡೊದುನ್ನ ಕವಿತೆ ಬರಿಯೊರ್ಗೆ ಬಿಟ್ಟೀನಿ.

ಅಂದಹಂಗ ಇದು ಬ್ಲಾಗಿಗೆ ಹಾಕಿದ್ದು ಟಿವಿ ನಲ್ಲಿ ತೋರಸತಾ ಇರೋ "ವಿಂಟರ ಓಲಂಪಿಕ"ನ ಅದ್ಭುತವಾದ ಪ್ರಾರಂಭೋತ್ಸವ ನೋಡ್ಕೊತ್.